नाशिक शहर पोलिसांच्या गुंड विरोधी पथकाने विनापरवाना रिव्हॉल्वर वापरणाऱ्या तरुणाला केली अटक

नाशिक शहर पोलिसांच्या गुंड विरोधी पथकाने विनापरवाना रिव्हॉल्वर वापरणाऱ्या तरुणाला केली अटक

नाशिकच्या सर्व बातमी अपडेट साठी जॉईन करा नाशिक बातमी व्हाट्सअप ग्रुप 

नाशिक प्रतिनिधी/: नाशिक शहरात अवैध शस्त्रे बाळगणारे इसमांवर लक्ष ठेवुन कारवाई करण्याबाबत आदेश पोलीस आयुक्त संदीप कर्णिक यांनी दिलेले आहेत. त्याच अनुषंगाने विनापरवाना रिव्हॉल्वर वापरणाऱ्या एका व्यक्तीला नाशिक शहर पोलिसांच्या गुंड विरोधी पथकाने पकडले आहे.

गुरुवारी दि. ३० जानेवारी २०२५ रोजी गुंडा विरोधी पथकाचे ही कारवाई केली. पोलीस अंमलदार राजेश राठोड व गणेश भागवत यांना गुप्त बातमीदारा मार्फत माहिती मिळाली की, महाराजा बस स्टॉप, विहीतगाव, नाशिक येथे एक व्यक्ती बंदुक घेवुन येणार आहे.त्यावरुन सदरची माहिती पोलीस उपयुक्त (गुन्हे) प्रशांत बच्छाव, सहायक पोलीस आयुक्त (गुन्हे) संदीप मिटके, यांना देवुन त्यांच्या मार्गदर्शनाखाली महाराजा बस स्टॉप, विहीतगाव, नाशिक या परिसरात गुंडा विरोधी पथकाचे अधिकारी व अंमलदार यांनी सापळा लावला. असता यावेळेस सोमेश्वर उत्तम हंगरगे वय वर्षे २७ असे संशयित महाराजा बस स्टॉप, विहीतगाव, लॅमरोड, नाशिक, येथे सदर व्यक्तीस पथकाने ताब्यात घेतले.

त्याची झडती घेतली असता त्याच्याकडे १ रिव्हॉल्वर व १ काडतुस असा एकुण ३०,०००/- रुपये किंमतीचा मुद्देमाल मिळुन आला. सदरचे ०१ रिव्हॉल्वर आणि ०१ जिवंत काडतुस हस्तगत करण्यात आले असुन सदर व्यक्तीवर भारतीय हत्यार कायदयाप्रमाणे व विनापरवाना अग्नीशस्त्र बाळगण्याचे मनाई आदेशाचे उल्लंघन केले म्हणुन उपनगर पोलीस ठाणेत गुन्हा नोंद केला आहे.

ही कामगिरी गुंडा विरोधी पथकाचे सहा. पोलीस निरीक्षक ज्ञानेश्वर मोहिते, पोलीस उपनिरीक्षक मलंग गुंजाळ, दिलीप सगळे, विजय सुर्यवंशी, सुनिल आडके, प्रदिप ठाकरे, राजेश राठोड, गणेश भागवत, अक्षय गांगुर्डे, अशोक आघाव, भुषण सोनवणे, सुनिता कवडे यांनी संयुक्तरित्या कामगिरी पार पाडली आहे.