अबब… गणेश नगरला काही तासाच्या अंतरात दोन ठिकाणी घरफोडी…

पावन गणेश मंदिरात रात्री दोन दानपेट्या फोडल्या, तर दुपारी घरफोडीमुळे नागरिकांमध्ये दहशत

दोन दिवसात चारठिकाणी चोरीच्या घटना

सातपूर प्रतिनिधी :/ पाईपलाईनरोड रिलायन्स पेट्रोल पंपाजवळच असलेल्या महापालिकेच्या उद्यानातील गणेश मंदिरात मंगळवार (दि. २८) मध्यरात्री ते पहाटे दरम्यान तसेच बुधवारी (दि. २९) भर दुपारी चोरीच्या घटना घडल्याने नागरिक दहशतीखाली आहेत. सातपूर परिसरात दोन दिवसात चार ठिकाणी चोरीच्या घटना घडल्याने नागरिक पोलीस गस्त वाढवण्याची मागणी केली आहे.

मंगळवार (दि. २८)च्या मध्यरात्रीनंतर पावन गणेश मंदिरातील दोन दानपेट्या फोडत हजारो रुपयाची रक्कम लुटून नेली आहे. या घटनेचा तपास दुसऱ्या दिवशी बुधवार (दि. २९) सूरू असतानाच, दुपारी तीनच्या दरम्यान त्याच मंदिर परिसराजवळच राहणारे,अजिक्य सोनवणे याचे बंद घराचे कडी कोयंदा तोडत ३ वाजेच्या दरम्यान घरफोडी करत पाच तोळे सोने व ५० हजार रोख रक्कम चोरून नेल्याची घटना घडली आहे. मंदिरात रात्री चोरी झाल्यानंतर काही तासातच बुधवारी दुपारी भर दिवसा भर वस्तीतील घर फोडून चोरी झाल्याने नागरिक भयभीत झाले आहे. दोनच दिवसात चार ठिकाणी चोरीचे प्रकार घडल्याने पोलिसांनी रात्री बंदोबस वाढवावा अशी मागणी अॅड. महेंद्र शिंदे नागरिक करत आहे.