सिडकोमध्ये लोहमूर्ती सरदार वल्लभभाई पटेल जयंती उत्साहात साजरी

सिडकोमध्ये लोहमूर्ती सरदार वल्लभभाई पटेल जयंती उत्साहात साजरी

अखिल भारतीय लेवा पाटीलदार युवक महासंघातर्फे लोहपुरुष सरदार वल्लभभाई पटेल यांची 150 वी जयंती सिडको परिसरात अत्यंत उत्साहात साजरी करण्यात आली. या निमित्ताने लेवा पाटीलदार समाजाचे जिल्हा प्रमुख तुषार खाचणे यांच्या मार्गदर्शनाखाली भव्य वारकरी दिंडीचे आयोजन करण्यात आले होते.

कार्यक्रमाच्या प्रारंभी सरदार पटेल यांच्या प्रतिमेचे पूजन आमदार सीमा हिरे भाजप नेते महेश हिरे आणि सुधाकर बडगुजर यांच्या हस्ते करण्यात आले. यानंतर त्रिमूर्ती चौक येथून मिरवणुकीला प्रारंभ झाला.

याप्रसंगी जिल्हाप्रमुख तुषार खाचणे यांनी आमदार सीमा हिरे, महेश हिरे, सुधाकर बडगुजर यांचा शाल व पुष्पगुच्छ देऊन सत्कार केला.

आपल्या मनोगतात आमदार सीमा हिरे यांनी जिल्हाप्रमुख तुषार खाचणे तसेच लेवा पाटीलदार समाजाचे कौतुक करत सर्वांना वल्लभभाई पटेल जयंतीच्या शुभेच्छा दिल्या.

भव्य मिरवणूक त्रिमूर्ती चौक – सावता नगर – पवन नगर – उत्तम नगर – भोळे मंगल कार्यालय या मार्गाने फिरून पुन्हा त्रिमूर्ती चौक येथे समारोप करण्यात आला.

यंदाच्या या उत्सवात लेवा पाटीलदार समाजाचे दर्शन नेमाडे, सागर चौधरी, रितेश खाचणे, डिगा कोल्हे, चेतन चौधरी, सोपान कावळे, शुभम लोहार, अरुण कोलते, तसेच बजरंग दल गोरक्षक व गौरक्षा सामाजिक संस्था यांचे मोलाचे

सहकार्य लाभले.