नाशिक : वृद्धाश्रमाची तोडफोड करून साहित्य जाळले

नाशिक : वृद्धाश्रमाची तोडफोड करून साहित्य जाळले

याबाबत पोलिसांनी दिलेली माहिती अशी, की फिर्यादी डॉ. रमेश आनंदराव सोनवणे (रा. कोठारी कन्या शाळेजवळ, जेलरोड, नाशिकरोड) हे जेलरोड येथील लक्ष्मीनगर बस स्टॉपशेजारी असलेल्या यस केअर सेंटर वृद्धाश्रमाचे व्यवस्थापक म्हणून काम पाहतात. आरोपी प्रमोद चव्हाण (पूर्ण नाव व पत्ता माहीत नाही) याने या वृद्धाश्रमाच्या कार्यालयाची आधी काच फोडून जाळी तोडली. त्यानंतर कार्यालयात काही तरी ज्वलनशील पदार्थ टाकून आगपेटीच्या काडीने आग लावली. या आगीमुळे कार्यालयातील खुर्चा, कपाट, टेबल, फॅन, इन्व्हर्टर, ट्यूबलर बॅटरी, सीसीटीव्हीचा मॉनिटर, स्कॅनर, प्रिंटर व टेबलांवर ठेवलेली महत्त्वाची कागदपत्रे जळून त्यांचे नुकसान झाले. याप्रकरणी नाशिकरोड पोलीस ठाण्यात प्रमोद चव्हाण याच्याविरुद्ध गुन्हा दाखल करण्यात आला असून, पुढील तपास पोलीस हवालदार भोळे करीत आहेत.