व्यसनाधीन बापानेच स्वतःच्या नऊ वर्षीय मतिमंद मुलाचा गळा आवळून केली हत्या

नासिकरोड (प्रतिनिधी):- व्यसनाधीन बापानेच स्वतःच्या नऊ वर्षीय मतिमंद मुलाचा गळा आवळून हत्या केल्याची घटना घडली आहे आहे. हत्या करून मुलाला गोणीत टाकून मुलाच्या मावशीच्या घरी ठेवत पळून गेल्याची घटना नाशिकरोड परिसरात घडली असून यामुळे एकच खळबळ उडाली आहे.

याबाबत अधिक माहिती अशी की, सुमित भारत पुजारी व त्याची पत्नी सारिका सुमित पुजारी हे आपल्या प्राची, सिद्धार्थ व गणेश या तीन मुलांसोबत जेलरोड मंगलमूर्ती नगर येथे राहत होते. सुमित याने दारूच्या नशेत आज दुपारच्या सुमारास इयत्ता तिसरी मध्ये शिकत असलेल्या मतिमंद गणेश या साडेनऊ वर्षीय स्वतःच्या मुलाचा गळा आवळून हत्या केली व मृतदेह गोणीमध्ये भरून टाकून तो पत्नी सारिकेची बहीण राहत असलेल्या कॅनल रोड, इंदिरानगर, जेलरोड येथील घरी गेला.

मतिमंद नातू गणेश हा दोन-तीन तासापासून दिसत नसल्याने आजोबा भारत पुजारी यांनी शोध घेतला असता मुलगा सुमितने त्याला त्याच्या मावशीच्या घरी सोडले आहे. त्यांनी तेथे जाऊन खात्री केले असता गणेश हा गोणीत निचपित पडलेता होता. त्याला तात्काळ बिटको रुग्णालयात दाखल केले असता बिटको रुग्णालयातील डॉ. ओसवाल यांनी त्यास मयत घोषित केले. घटनेची माहिती समजतात उपनगर पोलीस ठाण्याचे अधिकारी कर्मचारी यांनी घटनास्थळी जात नराधम सुमित पुजारी या बापास ताब्यात घेतले असून त्याच्यावर खुनाचा गुन्हा दाखल करण्यात आला आहे.