हनुमान जयंतीनिमित्त धार्मिक कार्यक्रम व महाप्रसादाचे आयोजन

हनुमान जयंतीनिमित्त धार्मिक कार्यक्रम व महाप्रसादाचे आयोजन

हनुमान भक्तांनी मोठ्या संख्येने उपस्थित राहून दर्शनाचा व महाप्रसादाचा लाभ घ्यावा – कुणाल धात्रक

सिडको प्रतिनिधी:/ हनुमान भक्तांकडून हनुमान जयंती निमित्त विविध धार्मिक कार्यक्रमाचे आयोजन करून मोठ्या उत्साहात हनुमान जन्म सोहळा साजरा केला जात असतो. नवीन सिडको मधील आकर्षण असलेले गणेश चौक येथील हनुमान जयंती सोहळा दरवर्षी भव्य दिव्य देखावा, नवनवीन कार्यक्रम व भक्तिमय वातावरणात साजरा करण्यात येत असतो. यंदाच्या वर्षी देखील धार्मिक कार्यक्रमासोबतच महाप्रसादाचे आयोजन मंडळाच्या वतीने करण्यात आले आहे.

विविध विकास मित्र मंडळ येथील चौकात शिवसत्य छावा मित्र मंडळ च्या वतीने सालाबादाप्रमाणे मोठ्या उत्साहात हनुमान जयंती साजरी केली जाते. हनुमान जयंतीनिमित्त यंदा भक्ती शक्ती आणि शांतीचा संयम असलेल्या ध्यानस्थ हनुमानाची मूर्तीची पूजा करण्यात येणार आहे. अभिषेक, पूजन होऊन शंखनाद, हनुमंताच्या सात्विक नामजप सामूहिक प्रार्थना, महाआरतीचे आयोजन करण्यात आले आहे. सिडकोतील नागरिकांनी मोठ्या संख्येने या सोहळ्यात सहभाग घेऊन दर्शनाचा व

महाप्रसादाचा लाभ घ्यावा असे आवाहन आयोजक कुणाल विलास धात्रक यांनी केले आहे.