पेठरोडवरील एसटी कार्यशाळेच्या परिसरात आग.

पंचवटी :/ पेठरोडवरील एसटी कार्यशाळेच्या परिसरात रविवारी (दि. २०) दुपारी एक वाजेच्या सुमाराला आग लागल्याने तब्बल अकरा वाहने जळून खाक झाल्याची घटना घडली आहे. आग कशामुळे लागली याचे कारण गुलदस्त्यात असून पंचवटी अग्निशमन दलाच्या जवानांनी शर्तीचे प्रयत्न करत दोन बंबांनी तासाभरात आगीवर वेळीच नियंत्रण अनर्थ टळला. मिळविल्याने मोठा

या घटनेत जळालेल्या नऊ रिक्षा, एक टेम्पो ट्रॅव्हल आणि एक स्विफ्ट डिझायर अशी अकरा वाहने नाशिक प्रादेशिक परिवहन विभागाने मोटार कायद्यान्वये विविध गुन्ह्यात जप्त केलेली होती, असे अग्निशमन दलाच्या सूत्रांनी सांगितले.

याबाबत सविस्तर माहिती अशी पेठरोडवरील एसटी कार्यशाळा असून या ठिकाणी एसटी बस दुरुस्तीचे काम चालते तर कार्यशाळेच्या आवारातील मोकळ्या जागेत प्रादेशिक परिवहन विभागाकडून कारवाई केलेली वाहने अडकवून ठेवली जातात. रविवारी दुपारच्या सुमाराला कार्यशाळेच्या आवारात गाजर गवतात उभ्या केलेल्या

वाहनांच्या ठिकाणाहून अचानकपणे धूर निघाला आणि काही क्षणातच झाडाचा पालापाचोळा पेटल्याने रिक्षा व इतर वाहने आगीच्या भक्ष्य स्थानी सापडले.

सदरची घटना एसटी कार्यशाळेच्या कर्मचाऱ्यांच्या, निदर्शनास येतात त्यांनी तत्काळ पंचवटी अग्निशमन दलाला माहिती कळविली.