अडथळे दूर करत अखेर बडगुजर भाजपात दाखल झाल्याने कही खुशी कहीं गम! 

अडथळे दूर करत अखेर बडगुजर भाजपात दाखल झाल्याने कही खुशी कहीं गम!

महापालिकेच्या आगामी निवडणुकीच्या पार्श्वभूमीवर पक्षांतराचे वारे जोमाने वाहात आहे. अनेक मोठमोठी नेते पदाधिकारी पक्षांतर्गत असलेले मतभेद व नाराजगी मुळे पक्षाला सोडचिठ्ठी देत इतरत्र पक्षात प्रवेश करताना दिसत आहे. नाशिक मधील शिवसेना उद्धव बाळासाहेब ठाकरे पक्षाचे माजी उपनेते सुधाकर बडगुजर यांच्यासह माजी मंत्री बबनराव घोलप, नयना घोलप, माजी महापौर अशोक मुर्तडक आदींनी भाजपा प्रदेशाध्यक्ष चंद्रशेखर बावनकुळे, कार्याध्यक्ष रवींद्र चव्हाण आणि जलसंपदा मंत्री गिरीश महाजन यांच्या उपस्थितीत मंगळवारी (दि.१७) भाजपमध्ये प्रवेश केला.

या नेत्यांच्या प्रवेशामुळे नाशिक मध्ये भाजपची ताकत वाढणार असून आगामी महापालिका निवडणुकांमधील भाजपचा मोठा विजय नक्कीच होईल असा दावा प्रदेशाध्यक्ष बावनकुळे यांनी केला असला तरी बडगुजर यांच्या भाजप पक्षप्रवेशावरून पक्षांतर्गत निर्माण झालेले मतभेद व विरोध हे देखील मोठ्या प्रमाणावर दिसून आले. या सर्व विरोधकांना झटकारून अनेक अडथळे पार करत अखेर बडगुजर यांनी मुंबईत भाजप पक्षात प्रवेश केल्याने नाशिक मधील काही भागात कही खुशी तरी कही गम अशी परिस्थिती दिसून आली.

विधानसभा निवडणुकीच्या काळात एकमेकांचे कट्टर विरोधक असलेले नेते आता एकाच पक्षात आल्याने, येणाऱ्या काळात कशा प्रकारची परिस्थिती राहील हे पाहणे महत्त्वाचे ठरेल.