मनसे प्रमुख राज ठाकरे यांचे हिंदी भाषा विरोधात महाराष्ट्रातील शाळा मुख्याध्यापकांना पत्र 

शाळांनी सतर्क व जागरूक राहावे! राज ठाकरे यांचे आवाहन 

नाशिक प्रतिनिधी:/ महाराष्ट्रात शिक्षण विभागाचा गेल्या काही दिवसांपासून गोंधळ सुरु आहे. महाराष्ट्रात शासनाने शिक्षण मंडळाच्या अभ्यासक्रमात होऊ घातलेल्या बदलामुळे या ना त्याकारणावरून वाद निर्माण होत असून काही निर्णय मागे घेण्यात आले असले तरी मनसे प्रमुख राज ठाकरे यांनी महायुतीच्या राज्य सरकारने शैक्षणिक धोरणात हिंदी भाषेचा केलेला समावेशावरून आक्रमक भूमिका घेतली आहे. हिंदी भाषेची सक्ती खपवून घेणार नाही असा इशारा देताना कोणत्या शाळेत हिंदी शिकवलं जातं हेच बघतो असा अलीकडेच दम देखील राज ठाकरेंनी भरला होता.

याच पार्श्वभूमीवर नवीन नाशिक मधील मनसैनिकांनी इयत्ता पहिली पासूनच शाळांमध्ये हिंदी भाषा लादण्याचा प्रयत्न विरोधात शाळांनी सतर्क व जागरूक राहावे. याबाबतचे शासनाच्या आदेशा विरोधात मनसे प्रमुख राज ठाकरे यांचे पत्र आज महाराष्ट्र नवनिर्माण सेना नवीन नाशिकच्या वतीने महाराष्ट्र राज्य पाठ्यपुस्तक वितरण भांडार बालभारती कार्यालय, ग्रामोदय शिक्षण संस्था, मॉडर्न एज्युकेशन शिक्षण संस्था या शाळांमध्ये देण्यात आले. याप्रसंगी मनसे प्रदेश उपाध्यक्ष अँड रतनकुमार इचम, नाशिक पश्चिम विधानसभा पक्ष निरीक्षक संदिप दोंदे, विभाग अध्यक्ष नितीन माळी, शहर उपाध्यक्ष अर्जुन वेताळ, सचिन रोजेकर, राजु परदेशी, भालचंद्र देसले, उपविभाग अध्यक्ष मनिष परदेशी, संदिप मालोकर, योगेश कोंबडे, विश्वास रुपवते, कमलेश पाटील, आकाश भागवत, रोहन भामरे, शाखा अध्यक्ष विशाल गायकवाड, महिला सेना पदाधिकारी गौरी सोनार, मनविसे जिल्हाध्यक्ष कौशल पाटील. आदींसोबतच महाराष्ट्र सैनिक मोठ्या संख्येने उपस्थित होते.