श्रावण महिन्यातील पहिल्या सोमवारनिमित्त राज्यातील शिवालयांत भक्तांची मोठी गर्दी

श्रावण महिन्यातील पहिल्या सोमवारनिमित्त राज्यातील शिवालयांत भक्तांची मोठी गर्दी

नाशिक | प्रतिनिधी

श्रावण महिन्यातील आज पहिला सोमवार असल्याने राज्यभरातील सर्व शिवमंदिरांमध्ये भक्तांची मोठी गर्दी पाहायला मिळाली. पहाटेपासूनच भाविकांनी मंदिरांमध्ये दर्शनासाठी रांगा लावल्या असून, संपूर्ण वातावरण भक्तीमय झाले आहे.

राज्यातील अनेक मंदिरांत भाविकांची लांबच लांब रांगा लागल्या असून, दर्शनासाठी नागरिक सकाळपासूनच मंदिरांच्या रांगेत उभे आहेत. अनेकांनी दर्शन घेतल्यानंतर समाधान व्यक्त केलं आहे.

विशेषतः, १२ ज्योतिर्लिंगांपैकी एक असलेल्या नाशिकच्या त्र्यंबकेश्वर मंदिरात भाविकांची मोठी गर्दी उसळली आहे. येथे दर्शनासाठी भाविकांना ३ ते ४ तास वाट पहावी लागत आहे. प्रशासनाकडून गर्दी नियंत्रणासाठी योग्य ती व्यवस्था करण्यात आली आहे.

महाराष्ट्रात १२ पैकी ३ ज्योतिर्लिंगे असून, त्यातील एक त्र्यंबकेश्वर असल्याने श्रावण महिन्यातील प्रत्येक सोमवारी येथे भाविकांची विशेष गर्दी होत असते. याशिवाय इतर प्रसिद्ध शिवमंदिरांमध्येही आज दर्शनासाठी मोठ्या प्रमाणात भाविकांनी गर्दी केली.

राज्यातील विविध शिवालयांमध्ये आजच्या दिवशी हर हर महादेव, ॐ नमः शिवाय अशा घोषणांनी परिसर दुमदुमून गेला होता. श्रावण सोमवारनिमित्त अनेकांनी उपवास, अभिषेक, रुद्राभिषेक यांसारख्या धार्मिक विधींमध्ये सहभाग घेत भक्तिभावाने पूजा-अर्चा केली.