मखमलाबाद वाचनालयात डॉ. बाबासाहेब आंबेडकर जयंती उत्साहात साजरी
ग्रंथमित्र रामचंद्र अर्जुन काकड (सर) सार्वजनिक वाचनालय मखमलाबाद येथे महामानव डॉ. बाबासाहेब आंबेडकर यांच्या जयंतीनिमित्त वाचनालयाचे संचालक देवराम पवार व संजय गामणे यांनी बाबासाहेबांचे प्रतिमा पुजन करून अभिवादन केले.
याप्रसंगी वाचनालयाचे कार्यवाह शंकर पिंगळे (सर) यांनी डॉ. बाबासाहेब आंबेडकर, महात्मा फुले व सावित्रीबाई फुले यांच्या समाजकार्याविषयी माहिती दिली. यावेळी मखमलाबाद गावातील कु. वैजयंती अशोक लिलके हिची महाराष्ट्र पोलिस दलात निवडी झाल्याबद्दल तसेच ग्राम विकास मंडळाच्या अध्यक्षपदी देवराम पवार व उपाध्यक्ष आबा मुरकुटे यांच्या निवडीबद्दल वाचनालयाचे वतीने यावेळी त्यांचा सत्कार करण्यात आला.
याप्रसंगी वाचनालयाचे अध्यक्ष रामदास पिंगळे, संचालक सुभाष तिडके, गोकुळ काकड,राकाशेठ माळी,मा.नगरसेवक पुंडलिक खोडे, ज्ञानेश्वर पिंगळे, प्रताप काकड, मनपा अधिकारी विजय काकड, दिलीप पिंगळे, अशोक लिलके, ग्रंथमित्र राजेश शिरसाठ, दशरथ मानकर, माजी सैनिक गणेश ढाकणे आदी उपस्थित होते.
