नाशिकच्या पोलीस अधिकाऱ्यांना केंद्रीय गृहमंत्री दक्षता पदक

नाशिक प्रतिनिधी- जगदीश वाघ /:

31 ऑक्टोबर रोजी सरदार वल्लभाई पटेल यांच्या जयंतीनिमित्त जाहीर झालेल्या केंद्रीय गृहमंत्री दक्षता पदक अन्वेषण साठी महाराष्ट्रातील अकरा पोलीस अधिकाऱ्यांची निवड झाली त्यापैकी तीन अधिकारी नाशिक शहर पोलीस आयुक्तालयातील आहेत.

अंकुश चिंतामण, पोलीस निरीक्षक, विशेष शाखा

नितीन जाधव सहायक पोलीस आयुक्त सरकारवाडा विभाग,

संदीप मिटके सहायक पोलीस आयुक्त, गुन्हे

या तीन अधिकाऱ्यांना केंद्रीय गृह मंत्र्यांचे दक्षता पदक जाहीर झाले आहे.

हे पदक सरदार वल्लभाई पटेल यांच्या जयंती दिवशी म्हणजे 31 ऑक्टोबर रोजी जाहीर केले जाते. महाराष्ट्रातील उत्कृष्ट अन्वेषण करणाऱ्या अधिकाऱ्यांचे प्रस्ताव गुन्हे अन्वेषण विभागाकडे मागून गुन्हे अन्वेषण विभाग पोलीस महासंचालक कार्यालय व मंत्रालय अशी त्रिस्तरीय पडताळणी होऊन सदरचे प्रस्ताव केंद्रीय गृहमंत्रालयाला पाठवले जातात. केंद्रीय गृहमंत्र्यांच्या सहीचे प्रमाणपत्र व वल्लभभाई पटेल यांचे प्रतिमा असलेले पदक हे पदक विजेत्यास प्रदान केले जाते. केंद्रीय गृहमंत्री दक्षता पदक विजेत्या तीनही अधिकाऱ्यांचे नाशिक शहर पोलीस आयुक्त संदीप कर्णिक यांनी अभिनंदन केले आहे.