ऑनलाईन फूड डिलिव्हरी बॉयला टोळक्याकडून बेदम मारहाण

नाशिक प्रतिनिधी/: ऑनलाईन फूड डिलिव्हरी बॉयला टोळक्याकडून बेदम मारहाण करण्यात आल्याची घटना पेठरोड येथील अश्वमेधनगर भागात घडली आहे.

 या घटनेत धारदार शस्त्राने मारहाण करीत भामट्यांनी मोबाईल हिसकावून पाच हजाराची रोकड ऑनलाईन लांबविली आहे. याप्रकरणी म्हसरूळ पोलीस ठाण्यात चोरीचा गुन्हा दाखल करण्यात आला आहे.याबाबत राज संदिप शेळके (आनंदवली) या युवकाने फिर्याद दिली आहे. या घटनेत संशयितांनी धारदार शस्त्र मारून त्या दुखापत केली. तसेच खिशातील ८०० रूपयांची रोख रक्कम बळजबरी काढून घेत तसेच जीवे मारण्याची धमकी देत मोबाईल हिसकावून घेतला. राजच्या मोबाईलमधील फोन पे अ‍ॅपच्या माध्यमातून ५ हजार रूपयांची रोकड बळजबरीने काढून घेतली. अधिक तपास दिपक पटारे करीत आहेत.