गाडी पार्किंगच्या वादातून सोसायटीतीलच इतर रहिवाशांमध्ये झालेल्या वादात एकाचा मृत्यू

गाडी पार्किंगच्या वादातून सोसायटीतीलच इतर रहिवाशांमध्ये झालेल्या वादात एकाचा मृत्यू 

नाशिक प्रतिनिधी :/ किरकोळ कारणावरून काल पंचवटीतील हिरावाडी परिसरात इमारतीच्या पार्किंगमध्ये गाडी पार्किंगच्या वादातून सोसायटीतीलच इतर रहिवाशांमध्ये झालेल्या वादात सोसायटीच्या चेअरमनसह इतर सदस्यांनी केलेल्या मारहाणीत एका रहिवाशाचा उपचारादरम्यान मृत्यू झाल्याची धक्कादायक घटना पंचवटीतील हिरावाडी परिसरात घडली. मंगळवारी (दि. २१) सकाळी हा प्रकार उघडकीस आला असून पंचवटी पोलिस ठाण्यात सोसायटीच्या चेअरमनसह इतर सदस्यांविरोधात सदोष मनुष्यवधाचा गुन्हा दाखल करण्यात आला आहे.

पोलिसांनी दिलेल्या माहितीनुसार पंचवटीतील हिरावाडी परिसरातील दामोदरनगर भागात श्री केशवहरी अपार्टमेंटच्या दुसऱ्या मजल्यावरील फ्लॅट नं. ८ मध्ये राहणारे व्यावसायिक बुधल लक्ष्मण विश्वकर्मा (४६) यांचा या मारहाणीत मृत्यू झाला.

चेअरमनसह ६ सदस्यांविरोधात गुन्हा दाखल केला आहे.

 विश्वकर्मा यांच्या पत्नी व मुलाच्या तक्रारीनुसार चेअरमनसह सहा सदस्यांविरोधात खुनाचा गुन्हा दाखल केला. याप्रकरणात पोलिसांनी संशयित वसंत घोडे, विशाल घोडे, गणेश घोडे यांच्यासह सहा जणांविरोधात गुन्हा दाखल करून त्यांना ताब्यात घेतले आहे.