टोळक्याच्या मारहाणीत दोन जण जखमी

टोळक्याच्या मारहाणीत दोन जण जखमी

नाशिक प्रतिनिधी:/ दिंडोरी रस्त्यावरील हॉटेलमध्ये जेवणासाठी गेलेल्या दोन मित्रांना टोळक्याने बेदम मारहाण केली. यावेळी लाकडी बांबूसह खुर्चीचा वापर करण्यात आल्याने दोघे जखमी झाले.

याबाबत आशिष भामरे (२६, शिवाजीनगर, सातपूर) या युवकाने तक्रार दिली. भामरे आणि अनिकेत कापडणीस (शिवाजीनगर,सातपूर) हे दोघे मित्र म्हसरूळ परिसरातील हॉटेल खमंग येथे रात्री जेवणासाठी गेले होते. त्यावेळी महागड्या मोटारीतून आलेल्या पाच जणांच्या टोळक्याने कुठलेही कारण नसतांना त्यांना शिवीगाळ करुन बेदम मारहाण केली. लाकडी बांबू, लोखंडी खुर्चीचा वापर करण्यात आल्याने दोघे मित्र जखमी झाले. यावेळी भामरे यांच्या गळ्यातील पाच तोळे वजनाची सोनसाखळी गहाळ झाली. या प्रकरणी म्हसरूळ पोलीस ठाण्यात गुन्हा दाखल करण्यात आला आहे.