नाशिक तापमानाचा पारा वाढला, नाशिकला उष्णतेचा यलो अलर्ट

नाशिक तापमानाचा पारा वाढला

_नाशिकला उष्णतेचा यलो अलर्ट_

नाशिक प्रतिनिधी:/ नाशिकचा तापमानात दिवसेंदिवस वाढ होत असताना दोन दिवसांपासून तापमान ४० च्या पार केल्याने आज आणि उद्या नाशिकला उष्णतेचा यलो अलर्ट देण्यात आलेला आहे.

नाशिक शहरातील कालचे तापमान ४०.३ अंश नोंदविले गेले. एप्रिल महिन्याच्या सुरुवातीलाच नाशिकमधील तापमानाने उच्चांक गाठत आहे. शहरातील तापमान चाळिशीच्या पार केल्याने शहरातील बाजारपेठा, रस्त्यांवर शुकशुका दिसत आहे.

नागरिकांनी वाढत्या उष्णतेपासून सावध राहावे. सकाळी ११ ते दुपारी ४ दरम्यान उष्णतेचा पारा ४० अंशाच्या वर जात आहे. वाढत्या उष्णतेमुळे आरोग्यावर दुष्परिणाम होऊन डीहायड्रेशन, चक्कर येणे, अशक्तपणा तसेच उष्माघाताचा त्रास होण्याची शक्यता आहे. यापासून बचाव करण्यासाठी नागरिकांनी दुपारी घराबाहेर जाणे टाळावे. आरोग्याची काळजी घ्यावी अशी सूचना महापालिकेच्या आरोग्य विभागाकडून देण्यात आली आहे.