सीए आनंद सदावर्ते यांना पितृशोक, विजयकुमार सदावर्ते यांचे निधन

सीए आनंद सदावर्ते यांना पितृशोक, विजयकुमार सदावर्ते यांचे निधन

नाशिक येथील प्रख्यात चार्टर्ड अकाउंटंट सीए आनंद सदावर्ते यांचे वडील विजयकुमार ज्ञानदेव सदावर्ते (८२) यांचे दि २३ एप्रिल रोजी अल्पशा आजाराने निधन झाले. ते सेवा निवृत्त बँक अधिकारी होते त्यांच्या पश्चात पत्नी, मुलगा, सून, नातवंडे असा परिवार आहे.

विजयकुमार ज्ञानदेव सदावर्ते यांची अचानक तब्येत खालावल्याने रुग्णालयात त्यांच्यावर उपचार सुरू असताना २३ एप्रिल रोजी पहाटे दुखद निधन झाले. त्यांची उपचारादरम्यान प्राणज्योत मालवलीची बातमी कळताच सदावर्ते कुटुंबीय व परिसरात शोककळा पसरली.

विजयकुमार ज्ञानदेव सदावर्ते यांची धार्मिक, अध्यात्मिक, मनमिळाऊ अशी परिसरात ओळख होती. अनेक लोकांशी त्यांचे जिव्हाळ्याचे ऋणानुबंध होते. त्यांच्या अचानक जाण्याने अनेकांना धक्का बसला आहे.

कै. विजयकुमार ज्ञानदेव सदावर्ते यांचा दशक्रिया विधी शुक्रवार दि. २ मे २०२५ रोजी सकाळी ९ वा. लेउवा पाटीदार समाज ट्रस्ट, अहिल्याराम व्यायाम शाळेसमोर, कपालेश्वर मंदिर रोड, गंगा घाट, पंचवटी नाशिक येथे होईल.