नाशकात पुन्हा कोयता गँग ची दहशद, संजीवनगरमध्ये तलवारींची हाणामारी; दोन जखमी

नाशकात पुन्हा कोयता गँग ची दहशद, संजीवनगरमध्ये तलवारींची हाणामारी; दोन जखमी

सिडको- परिसरातील संजीवनगर परिसरात जुन्या वादातून दोन गटात तुफान हाणामारी झाली. या हल्ल्यात दोन युवक जखमी झाले आहेत. यावेळी या हाणामारीमध्ये संशयितांनी पार्किंगमध्ये पार्क असलेल्या वाहनांवर कोयते व तलवारीने हल्ला करून वाहनांचे मोठे नुकसान केले.

पोलिसांकडून दिलेल्या माहितीनुसार, फिर्यादी मोहम्मद फैसल वाहिद शेख (वय २८, रा. संजीवनगर, अंबड) रविवारी रात्रीच्या सुमारास अंदाजे १० ते १२ जणांच्या टोळीने त्यांच्यावर धारदार शस्त्रांनी हल्ला केला.

या हल्ल्यात ते गंभीर जखमी झाला. त्याचप्रमाणे मोहम्मद अमीरूल शेख यांच्यावरही या टोळक्याने हल्ला करत जीवे मारण्याचा प्रयत्न केला. त्यानंतर इतक्यावरच न थांबता या टोळक्याने साई रुद्र अपार्टमेंटच्या पार्किंगमध्ये उभ्या असलेल्या चारचाकी वाहनांच्या काचा फोडून नुकसान केले.

 घटनेची माहिती मिळताच अंबड पोलिस ठाण्याचे पथक घटनास्थळी दाखल झाले. पोलिसांनी या प्रकरणी गुन्हा दाखल केला असून, दोन संशयितांना ताब्यात घेतले. अंबड परिसरातील वाढत्या गुन्हे गारीमुळे नागरिका मध्ये भितीचे आणि चिंतेचे वातावरण आहे.