विद्यार्थ्यांच्या यशामागे शिक्षकांचे मोठे योगदान! माजी विद्यार्थी मेळावा मोठ्या उत्सहात संपन्न 

शाळेच्या विकासासाठी कायम प्रयत्नशील बाळासाहेब घुगे यांचे आश्वासन 

प्रतिनिधी:/ प्रत्येक जण आपापल्या आपापल्या क्षेत्रात यशस्वी आहोत, याचं खरं श्रेय आपल्या शाळेला व शाळेतील शिक्षकांना जातं. शाळेतील शिक्षकांनी आपल्याला योग्य शिक्षण तर दिलंच, पण त्यासोबतच जगण्याची योग्य दिशाही दाखवली यामुळेच आपण आज सामाज्यात चांगले नागरिक म्हणून ओळखले जात आहोत.

हरिभाऊ सांगळे व धडाडीचे सामाजिक कार्यकर्ते बाळासाहेब घुगे यांच्या पुढाकाराने यशवंत माध्यमिक व उच्च माध्यमिक विद्यालय, निमोण येथे सन १९९१-९२ च्या माजी विद्यार्थी मेळावा मोठ्या उत्सहात संपन्न झाला. शाळेमध्येच आपल्याला आयुष्याची जडणघडण होत जीवनाचे धडे शिकायला मिळत असतात. शाळेची शिस्त ,संस्कार व शिक्षकांचे मार्गदर्शन कायम डोळ्यासमोर ठेवत आम्ही माजी विद्यार्थी जीवनाची वाटचाल करत असतो. यामुळे आम्ही देखील शाळेचे देणे लागतो. शाळेच्या विकासासाठी आम्ही सर्व माजी विद्यार्थी सातत्याने प्रयत्नशील राहू असे विचार हरिभाऊ सांगळे व धडाडीचे सामाजिक कार्यकर्ते बाळासाहेब घुगे यांनी विद्यालयात आयोजित कार्यक्रमप्रसंगी व्यक्त केले.

 यावेळी १९९१-९२ बॅचच्या माजी विद्यार्थांनी शाळेस समई भेट दिली तसेच गावातील दिव्यांग व्यक्ती ज्ञानेश्वर शिरसाठ यांना इलेक्ट्रॉनिक तीन चाकी गाडी भेट देण्यात आली. दिव्यांग कार्यकर्ते बाळासाहेब घुगे यांनी दीड लाख रुपये किमतीचा सापडलेला ॲपल कंपनीचा मोबाईल प्रामाणिकपणे संबंधित व्यक्तीस पुन्हा प्राप्त करून दिल्याबद्दल विद्यालयाच्या वतीने सत्कार करण्यात आला. कार्यक्रमाच्या अध्यक्षस्थानी शाळेचे मुख्याध्यापक श्री सुदाम गोर्डे होते. याच बरोबर माजी विद्यार्थी दिलीप चकोर,अनिल घुगे, जुनेद सुभेदार, मच्छिंद्र मंडलिक, सुनिल सांगळे आदि उपस्थित होते. कार्यक्रमाचे प्रास्ताविक पर्यवेक्षक श्री पिंगळे बी आर यांनी केले. कार्यक्रमाचे सूत्रसंचालन शिक्षक प्रतिनिधी बी डी घुगे यांनी केले तर आभार प्रदर्शन राजेंद्र गोडगे यांनी केले.