त्र्यंबकेश्वर मध्ये पत्रकारांवर गुंडांचा हल्ला; तीन जखमी, एकाची प्रकृती गंभीर

नाशिक | त्र्यंबकेश्वर येथे पत्रकारांवर हल्ला

त्र्यंबकेश्वर येथे वृत्तांकनासाठी आलेल्या इलेक्ट्रॉनिक मिडीयाच्या तीन पत्रकारांना स्वामी समर्थ केंद्राजवळील पार्किंगजवळ गुंडांकडून जबर मारहाण करण्यात आली. या घटनेत पत्रकार किरण ताजणे, अभिजीत सोनवणे आणि योगेश खरे जखमी झाले असून त्यांना उपचारासाठी अपोलो रुग्णालयात दाखल करण्यात आले आहे.

पत्रकार किरण ताजणे गंभीर जखमी झाल्याने त्यांना पुढील उपचारासाठी नाशिकमधील खासगी रुग्णालयात हलविण्यात आले. घटनेचा पत्रकार संघटनांनी जाहीर निषेध केला असून गुंडांवर कठोर कारवाईची मागणी केली आहे.

दरम्यान, अन्न व नागरी पुरवठा मंत्री नाशिकमध्ये दाखल होताच थेट रुग्णालयाकडे रवाना झाले. तर मंत्री गिरीश महाजन हे रात्री उशिरा नाशिकमध्ये येऊन जखमी पत्रकारांची भेट घेणार आहेत.