आडगाव मेडिकल कॉलेजमध्ये भीषण लिफ्ट अपघात, महिला जखमी

नाशिक प्रतिनिधी :/  दि. २७ एप्रिल २०२६ : आडगाव येथील डॉ. वसंतराव पवार वैद्यकीय महाविद्यालयात सोमवारी दुपारी सुमारे १२ वाजण्याच्या सुमारास लिफ्टशी संबंधित गंभीर अपघात घडला. या घटनेत ज्योती आहिरे (वय ५०, रा. मानेनगर, अमृतधाम) या गंभीर जखमी झाल्या असून त्यांच्यावर उपचार सुरू आहेत.

प्राथमिक माहितीनुसार, आहिरे या महाविद्यालयाच्या पहिल्या मजल्यावर कार्यरत होत्या. ऑपरेशन थिएटरसाठी साहित्य वाहून नेण्यासाठी वापरली जाणारी लिफ्टचे दार उघडे दिसल्याने त्यांनी आत पाहण्याचा प्रयत्न केला. त्याचवेळी वरून लिफ्ट अचानक खाली आल्याने त्यांना जोरदार धक्का बसला.

या अपघातात त्यांच्या डोके व मानेचा भाग लिफ्टमध्ये अडकल्याने मणक्याला गंभीर दुखापत झाली असून त्यांचा रक्तदाबही अचानक खालावल्याची माहिती मिळाली आहे. घटनेची माहिती मिळताच त्यांच्या कुटुंबीयांनी तातडीने रुग्णालयात धाव घेतली.

दरम्यान, या घटनेनंतर महाविद्यालय प्रशासनाने अपघाताची सखोल चौकशी करण्यात येणार असल्याचे सांगितले आहे.

जाहिरात

जाहिरात