दिव्यांग बाळासाहेब घुगे यांचा प्रामाणिकपणा; सापडलेला मोबाईल केला परत

दिव्यांग बाळासाहेब घुगे यांचा प्रामाणिकपणा; सापडलेला मोबाईल केला परत

सिडको प्रतिनिधी:/ भाजपा दिव्यांग आघाडी उत्तर महाराष्ट्र प्रभारी बाळासाहेब घुगे हे आज रिक्षाने प्रवास करत असताना, रिक्षामध्ये अंदाजे दीड लाख रुपये किमतीचा ॲपल कंपनीचा मोबाईल रिक्षात आढळून आला असता, त्यांनी तो प्रामाणिक पणे परत करण्या करिता नाशिक शहराचे पोलिस उपयुक्त शेखर देशमुख यांना संपर्क केला.

सदरील मोबाईल हा पुणे येथील येथील राजेश सोनी यांचा असुन ते मोबाईल रिक्षा विसरले होते. बाळासाहेब घुगे यांनी अंबड पोलीस स्टेशन गाठत पोलिस उपायुक्त शेखर देशमुख यांच्या हस्ते मोबाईलचे मूळ मालक राजेश सोनी यांना परत केला. यावेळी अंबड पोलीस स्टेशनचे वरिष्ठ पोलिस निरिक्षक मधुकर कड, भाजपा पदाधिकारी व सामाजिक कार्यकर्ते उत्तम (पिटु) काळे, रमेश बाबुराव पवार सर आदी उपस्थित होते.

बाळासाहेब घुगे यांना सापडलेला मोबाईल फोन प्रामाणिकपणे मूळ मालका परत मिळवून देण्याकामी दाखविलेल्या प्रामाणिकपणा बद्दल अंबड पोलीस ठाण्याचे वरिष्ठ पोलीस निरीक्षक पोलिस मधुकर कड यांनी बाळासाहेब घुगे यांच्या सत्कार केला.