पिंपळगाव बहुला येथे शारदीय नवरात्री निमित्त देवीचे आगमन व घटस्थापना

पिंपळगाव बहुला येथे शारदीय नवरात्री निमित्त देवीचे आगमन व घटस्थापना

नाशिक :/ शारदीय नवरात्र उत्सवा निमित्ताने शहरात सर्वत्र प्रसन्न व उल्हासदायी वातावरण होते. ठीकठिकाणी पारंपरिक पद्धतीने ढोल ताश्यांच्या गजरात देवीची मिरववणूक काढण्यात आली तर रस्त्याने देवीच्या घटस्थापनेसाठी ज्योत घेऊन जातांना अनेक देवी भक्त मंडळे दिसत होती. नवरात्र उत्सव हा देवी दुर्गाच्या नऊ रूपांच्या सन्मानार्थ साजरा केला जातो. या शारदीय नवरात्र उत्सवात घटस्थापना केली जाते. संपूर्ण नऊ दिवस नऊ रात्री देवीची पूजा आणि गोंधळ घालून देवीच्या मंदिरात हा उत्सव साजरा करण्यात येतो.

त्र्यंबक रोडवरील पिंपळगाव बहुला येथील आई तुळजा भवानी मित्र मंडळाच्या वतीने दरवर्षी देवीच्या विविध शक्तिपीठांमधून ज्योत आणत नवरात्र उत्सवास सुरवात करतात. यावर्षी उज्जैन येथील प्रसिद्ध  हरसिद्धि माता मंदिर शक्तिपीठ येथून ज्योत आणण्यात आली. मंडळाचे देवी भक्त अनवाणी पायाने रात्रंदिवस धावत ही ज्योत सुखरूप आपल्या गावात घेऊन येत देवीची घटस्थापना करतात. नवरात्र उत्सव काळात याठिकाणी दांडिया सोबतच विविध धार्मिक, सांस्कृतिक कार्यक्रमाचे आयोजन करण्यात येऊन देवीची नऊ दिवस उपासना केली जाते. महिला मंडळाचा उत्स्फूर्त सहभाग असून नियमित पूजाअर्चा व भंडाऱ्याची व्यवस्था केली जात असल्याची माहिती आई तुळजा भवानी मित्र मंडळाचे हेमंत नागरे यांनी यावेळी दिली